ՀԱՅԿԱԿԱՆ ՍՈՑԻՈԼՈԳԻԱԿԱՆ ԱՍՈՑԻԱՑԻԱ (ՀՍԱ)

Հայկական Սոցիոլոգիական Ասոցիացիան (ՀՍԱ) հիմնադրվել է 1992թ.-ին: ՀՍԱ-ն հայաստանյան առաջատար գիտահետազոտական կազմակերպությունների շարքում է: ՀՍԱ-ն հանդիսանում է ISA-ի` Միջազգային Սոցիոլոգիական Ասոցիացիայի ազգային անդամ, ինչպես նաև` ESOMAR-ի` Եվրոպական գիտահետազոտական կազմակերպության անդամ է: 2001թ.-ից սկսած ՀՍԱ գրուպը հայաստանյան և արտասահմանյան ընկերություններին մատուցում է ծառայություններ շուկայական հետազոտություների ոլորտում: 2005թ.-ից սկսած ՀՍԱ-ն իր գործունեությունը ծավալում է ESOMAR-ի կանոնակարգի և կառավարման սկզբունքների համաձայն: 17 տարվա աշխատանքային գործունեության արդյունքում ՀՍԱ-ն տիրապետում է մեծ փորձառության:

Բեռնել

ՀՍԱ-ն Հայաստանում հավասարը չունի հետևյալ առումներով.

• Իրականացված հետազոտությունների քանակով և ծավալով,
• Տարբեր լեզուներով տպագրությունների քանակով,
• Միջազգային ծրագրերին և կոնֆերանսներին մասնակցության քանակով,
• Հարավային Կովկասում իրականացված տարածաշրջանային ծրագրերի քանակով,
• Տեխնիկական սարքավորումներով և ծրագրավորման հնարավորություններով,
• 100 պատրաստված հարցազրուցավարների և փորձառու սուպերվայզերների քանակով:

1992թ.-ից մինչ օրս Հայաստանում ՀՍԱ-ն մեծ հեղինակություն է վայելում` զանգվածային հետազոտություններ (քանակական և որակական) անցկացնելու առումով:

ՀՍԱ-ն մասնակցում է բազմաթիվ միջազգային սոցիոլոգիական ծրագրերի, (այդ թվում` WVS և EVS, ինչպես նաև` TACIS, INTAS, COPERNICUS, FP6 ծրագրերին): ՀՍԱ-ն մասնակցում է նաև բազմաթիվ միջազգային կոնֆերանսների և համաշխարհային կոնգրեսների:

ՀՍԱ-ն ունի 15 փորձառու աշխատակիցներ, որոնք մասնագիտացած են հետևյալ բնագավառներում` սոցիոլոգիա, շուկայագիտություն, հոգեբանություն, կապ և վիճակագրություն: Գիտական աշխատակիցները քանակական և որակական հետազոտություններ անցկանցնելու գործում ունեն մեծ պատրաստվածություն և փորձառություն: ՀՍԱ-ի մշտական աշխատակազմի անդամներից մեկը սոցիոլոգիական գիտությունների դոկտոր է, 4-ը գիտության թեկնածուներ են, 7-ը` ասպիրանտներ և հայցորդներ, որոնք տիրապետում են օտար լեզուների: Աշխատակիցներից շատերը ստացել են անհատական գրանտներ IREX-ից, կրթաթոշակներ Ֆուլբրայթի հիմնադրամից, ՙԲաց հասարակություն՚ ինստիտուտից (ԱՄՆ), CEU-ից (Բուդապեշտ): ՀՍԱ-ն տարեկան անցկացնում է մոտավորապես 25-30 հետազոտություն: